وەزارەتی بەرگریی عێراق بەشداریكردنی هێزێكی فەرەنسی لە پڕۆسەیەكی ئەمنیدا لە دەوروبەری كەركوك رادەگەیەنێت.
بەپێی راگەیەندراوێكی وەزارەتەكە، تیمێكی هێزی تایبەتی فەوجی سێی لیوای سێ، بەشداربووە لە ئەركێكی هاوبەش لەگەڵ هێزەكانی فەرەنسا لە ناوچەی دۆڵی چا (وادي الشاي).
لەو هەڵمەتەدا هەشت مۆڵگەی دوژمن تێكدراوە، لەگەڵ تەقاندنەوەی چوار بۆمبی ئامادەكراو بۆ چاندن، سەرەڕای تێكدانی دوو تونێل، وەك ئەوەی لە راگەیەندراوەكەدا هاتووە.
