یانەی وێستهام یونایتد لە یاریگای خۆی، یاریی هەفتەی (23)ی خولی نایابی ئینگلیزی بەرامبەر چێڵسی ئەنجامدا و یەکسانبوون باڵی بەسەر ئەنجامەکەدا کێشا.
ئەمڕۆ شەممە، لە چێوەی یارییەکانی هەفتەی (23)ی خولی نایابی ئینگلیزی “پریمەرلیگ”، وێستهام یونایتد لە یاریگای نێودەوڵەتیی لەندەن میوانداریی چێڵسیی کرد.
یارییەکە بە ئەنجامی (1-1) یەکسانبوون کۆتاییهات.
گۆڵەکەی “بلوز” لە خولەکی 16 لەلایەن جواو فیلێکسەوە تۆمارکرا، گۆڵی یەکسانکەرەوەی ئەنجامەکەش لە خولەکی 28 لەلایەن ئیمێرسۆنەوە تۆمارکرا.
بەپێی ئەنجامە تۆمارکراوەکە، چێڵسی ژمارەی خاڵەکانی گەیاندە (31) و لە پلەی نۆیەمی ڕیزبەندیی یانەکانی ئینگلتەرا جێگیربوو، وێستهام بە (20) خاڵەوە بەشێوەیەکی کاتی لە پلەی (17)وە چووە پلەی (15).
