رێکخراوی یونسێف بڵاویکردەوە، لەدوای بومەلەرزە بەهێزەکەی هەفتەی رابردوو تورکیا و سوریای گرتەوە، نەخۆشی کۆلێرا و پەتا گواستراوەکانی دیکە هەڕەشە لە هاوڵاتییانیان دەکات.
رێکخراوی یونسێف بڵاویکردەوە، “لە دوای بومەلەرزە بەهێزەکەی هەفتەی رابردوو تورکیا و سوریای گرتەوە، مەترسی بڵاوبوونەوەی کۆلێرا و هەموو ئەو پەتایانە هەیە کە بەهۆی ئاوی پیسەوە هاوڵاتییان تووش دەکەن بە تایبەت لە سوریادا”.
وەک لە راگەیەندراوەکەی یونسێفدا هاتووە، لە پاش بومەلەرزەکە هەزاران هاوڵاتیی بێماڵ و حاڵ بوون و بەشێکیان ناچارن ئاوێک بەکاربهێنن بۆ خواردنەوە کە دڵنیانین لە پاکژییەکەی جگە لەوەی بەهۆی ئاوارەبوونیانەوە دەستیان ناگات بە WC پاکژ.
ئەمە لەکاتێکدایە تەنها پێنج مانگ تێپەڕدەبێت بەسەر بڵاوبوونەوەی کۆلێرا لە سوریا بەهۆی ئاوی پیسەوە، کە تائێستاش بڵاوبوونەوەکەی بەردەوامە و نەخۆشییەکە کۆتایی نەهاتووە.
