بەڕێوەبەرانی یانەی پاریس سان جێرمان، هەموو هەوڵێک دەدەن گرێبەستی لیۆ مێسی ئەفسانەی زیندووی ئەرجەنتین نوێبکەنەوە، ئەگەر ئەوەش ڕوونەدات ئامادەکارییان بۆ واژۆکردنی گرێبەستێکی گەورە کردووە.
ڕۆژنامەی “ناسیوناڵ”ی ئیسپانی بڵاویکردووەتەوە، یانەی پاریس سان جێرمان بە فەرمی لێپرسراوی کارەکانی لیۆ مێسی ئاگادارکردووەتەوە، داوایاشیان لێکردوون بێنە سەر مێزی گفتوگۆکردن و گرێبەستەکەیان نوێبکەنەوە، بەو مەرج و بەندانەی خۆیان لە دانوستاندنەکاندا جێگیری دەکەن.
گومان لە مانەوەی مێسی هەیە و لە ئەگەری شکستهێنان لە نوێکردنەوەی گرێبەستەکەدا، بەرێوەبەرانی پاریس ئامادەکارییان کردووە بۆ کڕینی محەممەد سەڵاحی میسڕی و ئەستێرەی یانەی لیڤەرپوڵ.
سەرچاوەکان ئاماژەیان بەوە کردووە، کە یانەی هیلالی سعوودی گرێبەستێکی خەیاڵی پێشکەشی مێسی کردووە، ئەگەر هەیە پەیوەندی بەو یانە سعوودیەوە بکات.
