هاوڵاتییانی ناوچە كوردستانییەكانی دەرەوەی ئیدارەی هەرێم و پارێزگای كەركوك بە تایبەت ئاگاداردەكرێنەوە لەوەی سێیەم بەشەنەوتیان پێدەدرێت.
کۆمپانیای دابەشکردنی بەرهەمە نەوتییەکانی کەرکوک دەڵێت، دوای ئەوەی ٪95ـی پرۆسەی دابەشکردنی نەوتی سپی بەسەر هاوڵاتییاندا لە پارێزگای کەرکوک جێبەجێكرا، دەستدەکەین بە دابەشكردنی سێیەم بەشەنەوت بەسەر هاوڵاتییاندا”.
ئاماژەی بۆ ئەوەش كردووە كە كۆبۆنی نوێی بەنزین بۆ شۆفێران كاراكراوە و ئەو شۆفێرانەی مامەڵەی دەرهێنانی كۆبوونی بەنزینیان كردووە، سەردانی هەردوو وێستگەی خەزڕا و واستی لە شاری كەركوك بكەن بە مەبەستی كاراكردنی کۆدی بەنزین بۆ ئۆتۆمبێلەكانیان.
