قائیمقامیەتی سلێمانی رایگەیاند کە دوکانێکی غازفرۆشییان داخستووە بەهۆی ئەوەی غازی ماڵانی شاردبووەوە و خاوەنەکەشی رووبەڕووی لێپێچێنەوەی یاسایی دەکرێتەوە.
لە راگەیەندراوێکدا قائیمقامیەتی سلێمانی بڵاویکردەوە، “بەهۆی پابەندنەبوون بە مەرج و رێنماییەکانی کارکردن و شاردنەوەی غازی ماڵان و نەفرۆشتنی بەهاوڵاتییان، لیژنە هاوبەشەکانی قائیمقامیەت دوکانی غازفرۆشتنی رەنجیان لە فولکەی مامەریشە داخست”.
ئاماژە بەوەشکراوە، خاوەنی دووکانی غازەکە رووبەڕووی رێکاری یاسایی دەکرێتەوە.
