ڕافائێل ڤاران، ئەستێرەی یانەی مانچستەر یونایتد لە چەند ڕۆژی ڕابردوودا وازهێنانی نێودەڵەتی ڕاگەیاند، هۆکاری وازهێنانەکەشی بۆ میدیاکان ئاشکراکرد.
ڤارانی تەمەن (29) ساڵ لە چاوپێکەوتنێکدا بە “کەناڵ پلەس”ی فەرەنسی ڕاگەیاندووە، ” لەڕووی جەستەیی و دەروونییەوە هەموو وزەی خۆم بەگەڕخست، یاریکردن لە ئاستی باڵا-دا وەک جلشۆری ئۆتۆماتیکی وەهایە، بەبێ وەستان کاردەکەیت.”
#RT @ManUtd: Salut, @RaphaelVarane 🔴#MUFC || #MUNCRY pic.twitter.com/MTOHCXv98j
— Verity Bellars (@VBellars) February 4, 2023
هەروەها دەڵێت، “خشتەی چڕوپڕی یارییەکانی وەرز، ناچاریکردم وازبهێنم، چونکە هەستمکرد دەخنکێم، هەستم کرد ڤارانی یاریزان ڤارانی پیاوی خواردووە.”
بەرگریکارە فەرەنسییەکە هۆکاری وازهێنانی بۆ ماندوبوون و چڕوپڕی خشتەی یارییەکان دەگەڕێنێتەوە، کە ئەوەش هەمان ڕەخنەی گواردیۆلا و یۆرگن کلۆپە لە فیدراسیۆنەکانی تۆپی پێی جیهان و ئەوروپا، چەندینجار دووپاتیانکردووەتەوە، یاریزانان بزوێنەر نین و زۆری یارییەکان کاریگەرییان لەسەر جەستەیان دروستکردووە.
