ئەمشەو یەکشەممە، هاندەرانی تۆپی پێ کلاسیکۆیەکی ئاگرین لە ڕیازی پایتەختی سعوودیە دەبینن.
یانەکانی ڕیاڵ مەدرید و بەرشلۆنە کاتژمێر (10:00) بە کاتی هەرێمی کوردستان، بۆ جامی سوپەری ئیسپانیا لە یاریگای “شا هەفد” ڕووبەڕوودەبنەوە.
چوار هۆکار وا دەکەن، ئەم کلاسیکۆیە گرنگییەکی زۆری هەبێت:
هۆکاری ماددی: دوو جەمسەرەکە (8) ملیۆن یورۆ-یان دەستکەوتووە، براوەی جامەکە (4) ملیۆنی دیکە و دووەم (2) ملیۆنیان دەستدەکەوێت.
Barcelona go three points clear of Real Madrid after a massive win against Atleti 📈 pic.twitter.com/zAU42ytbQm
— ESPN FC (@ESPNFC) January 8, 2023
یەکەم ناسناو: بارسا (21) مانگە ناسناوێکی بەدەست نەهێناوە، دوایین ناسناوی ڕیاڵ مەدرید-یش جامی سوپەری ئەوروپی بووە، هەردوو یانەکە دەیانەوێت بەم ناسناوە هەگبەی دەستکەوتەکانی ئەم وەرزەیان قورس بکەن.
کێبڕکێی لالیگا: سوپەری ئیسپانیا پاڵپێوەنەرێکی بەهێزە بۆ کێبڕکێکانی خولی ئیسپانیا، بردنەوە ڕێڕەوی قۆناغی دووەمی وەرز دیاریدەکات.
ئەنچیلۆتی و چاڤی: دوو ڕاهێنەرەکە لە دۆخێکی هەستیاردان، ئەنجامی یارییەکە داهاتوویان دەردەخات، بردنەوە دەبێتە کەفیلی نوێکردنەوەی گرێبەستەکانیان، دۆڕاندنیش پێگەکەیان دەخاتە ژێر پرسیارەوە.
