یانەکانی ڕیاڵ مەدرید و بەرشەلۆنە لە نزیکەوە بەدواداچوون بۆ جیانلوکا پریستیانیی بەهرەمەندی یانەی ڤێلێز سارسفێڵد دەکەن.
بەگوێرەی زانیارییەکانی ڕۆژنامەی “مارکا”، یانەکانی ڕیاڵ مەدرید و بەرشلۆنە چاودێرانیان ڕەوانەی ئەرجەنتین کردووە و چوونەتە نێو هاوکێشەی گواستنەوەی پریستیانی-یەوە.
بەهرەدارەکە تەمەنی 16 ساڵە، وەک هێرشبەری باڵی چەپ و ڕاست و ناوەندی هێرشبەری یاریدەکات، چەندین تایبەتمەندیی هەیە و خێرایە لە گۆڕینی ڕیتمی یارییەکان، هەروەها کەسایەتییەکی سەرکردەیی هەیە.
سێیەم گەنجترین یاریزانی خولی ئەرجەنتینە بە درێژایی مێژوو لە دوای مارادۆنا و ئەگوێرۆ، لەلایەن شارەزایانەوە بە “ئەگوێرۆی نوێ” ناودەبرێت.
پریستیانی هاوینی داهاتوو ڕەگەزنامەی ئیتاڵی وەردەگرێت، بەو هۆیەوە یانە گەورەکان دەتوانن وەک یاریزانێکی ئەوروپی گرێبەستی لەگەڵدا بکەن، بەبێ ئەوەی جێگەی یاریزانە بیانییەکان بگرێت.
