یاریی کۆتایی جامی یەکێتی یانە ئینگلزییەکان (FA CUP) لەنێوان یانەکانی شاری مانچستەر ئەنجامدرا، مانچستەر سیتی بردنەوەی بەدەستهێنا و جامەکەی بەرزکردەوە.
ئەمڕۆ شەممە، لە یاریگای “وێمبڵی” یاریی کۆتایی جامی یەکێتی یانە ئینگلزییەکان (FA CUP) لەنێوان مانچستەر سیتی و مانچستەر یونایتد ئەنجامدرا.
ئەستێرەکانی پێپ گواردیۆلا بە ئەنجامی دوو گۆڵ بەرامبەر بە گۆڵێک بردنەوەیان بەدەستهێنا.
گۆڵەکانی “سیتیزنس” لە خولەکەکانی یەک و 51 لەلایەن ئیلکای گوندۆگانی ئەڵمانییەوە تۆمارکران، گۆڵەکەی “ڕێد دێڤڵز” بە لێدانی سزا لە خولەکی 33 لەلایەن برونۆ فێرناندێزەوە تۆمارکرا.
بەو بردنەوەیە، مان سیتی دووەم ناسناوی ئەم وەرزەی (2022/23) لەدوای ناسناوی پریمەرلیگ بەدەستهێنا، کە ناسناوی ژمارە (13)ی گواردیۆلا دەکات لەگەڵ یانە ئینگلیزییەکەدا.
بە ناسناوی ئەم وەرزەوە، مان سیتی بە درێژایی مێژووی حەوت جار جامی (FA CUP)ی بەدەستهێناوە.
