سەرۆكایەتیی شارەوانیی سلێمانی رایدەگەیەنێت، بەشی لابردنی زیادەڕۆیی- هۆبەی ناوبازاڕ بە هاوكاریی بەشی پۆلیسی شارەوانی هەڵمەتێكیان بۆ لابردنی زیادەڕۆییەكان لە چەند شوێنێك ئەنجامدا.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، بەشی لابردنی سەرپێچی و زیادەڕۆیی- هۆبەی ناوبازاڕ بە هاوكاریی بەشی پۆلیسی شارەوانی هەڵمەتیكیان ئەنجامدا، كە ئامانج لێی لابردنی زیادەڕۆییەكانی هەردوو شەقامی فولكەی مامەریشە و پیرەمێردو بازاری زێوەربوو كە چەند ڕێنماییەكیش بە سەرپێچیكاران درا.
