یانەی مانچستەر یونایتد لە یاریگای خۆیدا، یاریی هەفتەی (20)ی خولی نایابی ئینگلیزی بەرامبەر مانچستەر سیتی ئەنجامدا و بردنەوەی تۆمارکرد.
ئەمڕۆ شەممە، لە چێوەی یارییەکانی هەفتەی (20)ی خولی نایابی ئینگلیزی “پریمەرلیگ”، “دێربیی مانچستەر” لە یاریگای “ئۆڵدترافۆرد” ئەنجامدرا، مانچستەر یونایتد میوانداریی مانچستەر سیتی هاوسێی کرد.
یارییەکە بە ئەنجامی دوو گۆڵ بەرامبەر بە گۆڵێک لە بەرژەوەندیی ئەستێرەکانی ئێریک تین هاگ کۆتاییهات.
گۆڵەکانی “ڕێد دێڤڵز” لە خولەکەکانی 78، 82 لەلایەن برونۆ فێرناندێز و مارکۆس ڕاشفۆردەوە تۆمارکران، گۆڵەکەی “سیتیزنس” لە خولەکی 60 لەلایەن جاک گریلیشەوە تۆمارکرا.
بەپێی ئەنجامە تۆمارکراوەکە، مانچستەر یونایتد بە 38 خاڵەوە لە پلەی سێیەمی ڕیزبەندیی یانەکانی ئینگلتەرا جێگیربوو، مانچستەر سیتی بە جیاوازی خاڵێک (39 خاڵ) لە پلەی دووەم هاوشێوەی هەفتەکانی ڕابردوو بەردەوامبوو.
