لێپرسراوی زەڕەنگەرەكانی سلێمانی رایدەگەیەنێت، بەهۆی بەرزبوونەوەی بەهای دۆلار لە بازاڕەكاندا هاوڵاتییان لە مامەڵەكردنی زێڕدا زەرەرمەند دەبن بەو پێیەی زێڕ بە دۆلار كڕین و فرۆشتنی پێوەدەكرێت.
دلێر تاهیر لێپرسراوی زەڕەنگەرەكانی سلێمانی لە لێدوانێكدا بە تۆڕی میدیایی ئێستای راگەیاند، بەرزبوونەوەی بەهای دۆلار كاریگەری لەسەر نرخی زێڕكردووە و لە ماوەی ڕابردوودا یەك كیلۆ زێڕ بە 55 هەزار دۆلار مامەڵەی پێوەكراوە و ئێستا یەك كیلۆی بە 60 هەزار و 500 دۆلار مامەڵەی پێوەدەكرێت.
راشیگەیاند، ئەمریكا دەیەوێت بەزیادكردنی نرخی زێڕ كاریگەری هەڵاوسان لە وڵاتەكەیدا كەمبكاتەوە كە بەشێكی بەرزبوونەوەی نرخەكەی پەیوەندی بە ئەمریكاوە هەیە.
ئاشكراشیكرد، “بەهۆی بەرزبوونەوەی بەهای دۆلار لە بازاڕەكاندا هاوڵاتییان لە مامەڵەكردنیان بە زێرەوە زەرەرمەند دەبن بەو پێیەی زێڕ لە بازاڕدا بە دۆلار كڕین و فرۆشتنی پێوەدەكرێت و ناچار دەبن دۆلار بە نرخێكی گرانتر بيكڕن”.
