فەرمانگەی میدیا و زانیاریی حكومەتی هەرێم رایدەگەیەنێت، یەكەم كاروانی نەوتی سپی گەیشتە هەرێمی كوردستان و بەسەر پارێزگا و ئیدارە سەربەخۆكاندا دابەشدەكرێت كە لیتری بە 500 دینار دەدرێتە هاوڵاتییان.
فەرمانگەی میدیا و زانیاری حكومەتی هەرێم لە راگەیەندراوێكیدا كە وێنەیەكی دەست تۆڕی میدیایی ئێستا كەوتووە و تێیدا هاتووە، “یەكەمین كاروانی نەوتی سپی گەیشتە هەرێمی كوردستان و بەسەر پارێزگا و ئیدارە سەربەخۆكاندا دابەشدەكرێت”.
لە راگەیەندراوەكەدا هاتووە، بڕی نەوتی دابینكراو 50 ملیۆن لیترە و یەكەم كاروانی ئەو نەوتە كە 144هەزار لیترە، گەیشتووە و هەر لیترێكی بە 500 دینار دەدرێتە هاوڵاتییان.
