بەیانی ئەمڕۆ دەنگی تەقینەوەیەك لە كێڵگەی غازی كۆرمۆر بیسترا و قائیمقامی چەمچەماڵیش زانیارییەكەی پشتڕاستكردەوە بەڵام دەڵێت، “هۆكاری تەقینەوەكە دیارنییە” و خۆشبەختانە زیانی گیانی نەبووە و بەرهەمهێنان لە كێڵگەكە بەردەوامە.
رەمك ڕەمەزان قائیمقامی چەمچەماڵ لە لێدوانێكدا بە تۆڕی میدیایی ئێستای راگەیاند، كاتژمێر 9:30ی خولەكی بەیانی ئەمڕۆ هەینی، دەنگی تەقینەوەیەك لە كێڵگەی غازی كۆرمۆر بیستراوە و رووداوەكە هیچ زیانێكی گیانی نییە، زيانی ماددی نەزاندراوە و هێزە ئەمنییەكان راسپێردراون كە بزانن زیانە ماددییەكان و جۆری تەقەمەنییەكە چییە.
ئاشكراشیكرد، ئەو تەقینەوەیە هیچ زیانێكی لە كیڵگەكە نەداوە و بەرهەمهێنان لە كێڵگەكە بەردەوامە.
