نۆێل لوگریت، سەرۆکی فیدراسیۆنی تۆپی پێی فەرەنسا داوای لێبوردنی لە زینەدین زێدانی ئەفسانە و ڕاهێنەری پێشووی ڕیاڵ مەدرید کرد.
ڕۆژنامەی “لیکیپ”، ڕاگەیاندراوێکی فەرمی لوگریتی دەربارەی زینەدین زێدان بڵاوکردووەتەوە، تێیدا هاتووە، “لێدوانەکانم بەرامبەر زێدان زۆر بێ مانا بوون، تێنەگەیشتن هەیە و بە هەڵە لێکدانەوەی بۆ کراوە، دەمەوێت بە تایبەتی داوای لێبوردن لە زێدان بکەم.”
💥 Noël Le Graët se lâche sur Zidane dans Bartoli Time sur RMC : “Zidane au Brésil ? J’en ai rien à secouer. Il fait ce qu’il veut, ça ne me regarde pas. Je ne l’ai jamais rencontré. On n’a jamais envisagé de se séparer de Didier.” pic.twitter.com/odyOBSQpHF
— RMC Sport (@RMCsport) January 8, 2023
هەروەها ئاماژەیکردووە، “ئەوەی من وتوومە بە هیچ شێوەیەک گوزارشت لە پێنەزانینم ناکات بۆ پێگەی زێدان وەک یاریزانێکی ئەفسانەیی، یان ئەوەی لە جیهانیی ڕاهێناندا بەدەستیهێناوە.”
نۆێل لوگریت، یەکشەممەی ڕابردوو لە چاوپێکەوتنێکدا لەگەڵ کەناڵی (RMC) ڕایگەیاند، کە گرنگی بە زێدان نادات، لێدوانەکانیشی ناڕەزایی وەزیری وەرزشی فەرەنسا و کیلیان مباپێ و ئیدارەی ڕیاڵ مەدرید و چەندین کەسایەتی دیکەی وڵاتەکەی لێکەوتەوە.
