سەرۆكی یەكێتی پیرۆزبایی جەژنی سێ رۆژەی یاران دەكات و رایدەگەیەنێت، کاکەییەکان پێکهاتەیەکی گرنگ و نموونەیەکی بەرزی قووڵکردنەوەی گیانی تەبایی و پێکەوەژیان بوون لە کوردستاندا.
بافڵ جەلال تاڵەبانی، سەرۆکی یەکێتیی نیشتمانیی کوردستان رایگەیاند، بەبۆنەی جەژنی سێ رۆژەی یاران (قەوڵتاس) پیرۆزباییەکی گەرم لە خوشک و برایانی کاکەیی دەکەم و هیوادارم ئەم جەژنە بە دڵخۆشی و کامەرانییەوە بەسەربەرن.
وتیشی، “کاکەییەکان پێکهاتەیەکی گرنگ و نموونەیەکی بەرزی قووڵکردنەوەی گیانی تەبایی و پێکەوەژیان بوون لە کوردستاندا”.
بافڵ جەلال تاڵەبانی دووپاتیشیدەكاتەوە، یەکێتیی نیشتمانیی کوردستان بەڕێزەوە لە مێژوو و خەباتی کاکەییەکان دەڕوانێت و وەک هەمیشە پارێزەر و بەدیهێنەری مافەکانیان دەبێت.
