بەڕێوەبەرایەتیی هاتوچۆی سلێمانی ئاگاداری هاوڵاتییان دەکاتەوە کە هاتوچۆ لەسەرجەم شەقامەکانی ناوشار مەترسیدارە و داوادەکات هاوڵاتییان لەماڵەکانیان بمێننەوە.
لەڕاگەیەندراوێکدا لیژنەی فریاگوزاریی سلێمانی ڕایگەیاند، ” لەئێستادا سەرجەم شەقامەکانی ناوشار و شەقامە سەرەکی و لاوەکییەکان و شەقامی بازنەیی مەلیک مەحمود بە گشتی لە حاڵەتی بەستندایە و لەئێستادا شۆفێری لەو شەقامانەدا مەترسیدارە و مەترسیی ڕووداوی هاتوچۆی هەیە”.
لیژنەی فریاگوزاری داوا لە هاوڵاتییان و شۆفێران دەکات، بەهیچ شێوەیەک لە ماڵەکانیان نەیەنە دەرەوە و شۆفێری نەکەن.
لیژنەکە چەند ژمارەیەکی فریاگوزاریی بڵاوکردووەتەوە، تاوەکو هاوڵاتییان لەحاڵەتی پێویستدا پەیوەندییان پێوەبکەن:
ژمارە 100 سەنتەری هەماهەنگیی هاوبەش / پارێزگای سلێمانی P.JCC
ژمارە 188 کۆنترۆڵی هاتوچۆ
ژمارە 115 بەرگریی شارستانی
ژمارە 122 فریاگوزاریی تەندروستی
