ئه‌مشه‌و چوارشه‌ممه، یارییه‌کانی هه‌فته‌ی 16ی خولی ئیتاڵیا ئه‌نجامدران، یانەکانی ڕۆما و یوڤانتۆس بردنه‌وه‌یان به‌رامبه‌ر بۆلۆنیا و کریمۆنێزی تۆمارکرد.
یانه‌ی ڕۆما له یاریگای “ئۆڵێمپیکۆ” میوانداریی بۆلۆنیای کرد، یانه‌ی خانەخوێ توانی به ئه‌نجامی گۆڵێكی بێبه‌رامبه‌ر یارییه‌که له‌به‌رژه‌وه‌ندیی خۆی کۆتایی پێبهێنێت.
گۆڵه‌که‌ی “جێلاڕۆسی” له خوله‌کی شەش بە لێدانی سزا له‌لایه‌ن لۆرینزۆ پیلیگرینی-یەوە تۆمارکرا.
لە یارییەکی دیکەدا، یانەی کریمۆنێزی لە یاریگای خۆیدا میوانداریی یوڤانتۆسی کرد، یارییەکە بە ئەنجامی گۆڵێکی بێوەڵام لە بەرژەوەندیی “خانمە پیرەکە” کۆتاییهات.
گۆڵەکە لە خولەکی 90 لەلایەن ئارکادیۆز میلیکەوە بە لێدانی ڕاستەوخۆ تۆمارکرا.
به‌پێی ئه‌نجامه تۆمارکراوه‌کان، یوڤانتۆس ژماره‌ی خاڵه‌کانی گه‌یانده 34 و لە پله‌ی سێیە‌می ڕیزبه‌ندیی “کالچیۆ” جێگیربوو، یانه‌ی ڕۆما-ش به 30 خاڵه‌وه چووە پله‌ی شەشەم.
