بافڵ جەلال تاڵەبانی سەرۆکی یەکێتیی نیشتمانیی کوردستان پیرۆزبایی ساڵیادی دامەزراندنی کەناڵی کوردسات لە بەڕێوەبەر و رۆژنامەنووسان و کارمەندانی دەزگاکە دەکات و بە نمونەی سەنگینی ناو میدیای کوردی ناوی دەبات.
لە پەیامەکەی سەرۆک بافڵ جەلال تاڵەبانیدا هاتووە، “ساڵیادی دامەزراندنی دەزگای میدیایی کوردسات لە بەڕێوەبەر، رۆژنامەنووسان و کارمەندانی دەزگاكە پیرۆزبێت و هیوای بەردەوامی و سەركەوتنتان بۆ دەخوازم”.
بافڵ جەلال تاڵەبانی دەڵێت، “لە دوو دەیەی رابردوودا كوردسات كەناڵێكی سەنگینی ناو ماڵەكان بووە و نموونەیەكی جوان و درەوشاوەی ناو میدیای كوردی بووە”.
لە پەیامەکەدا هاتووە، “هیوادارم ساڵی نوێی كاركردنتان بەرەوپێشچوونی زیاتر و گۆڕانكاریی گەورەتر بەخۆتانەوە ببینن و ئێمەش پاڵپشت و پشتیوانتان دەبین”.
