بەڕێوەبەرایەتیی هاتوچۆی کۆیە رایگەیاند لە سنوورەکەیان دوو رووداوی هاتوچۆ روویانداوە و بەهۆیەوە کەسێک گیانیلەدەستداوە.
لە راگەیەندراوێکدا هاتوچۆی کۆیە بڵاویکردەوە، کۆتا رووداو لە ساڵی 2022دا وەرگەڕانی تراکتۆرێک بوو لە کاتژمێر 5:00ی ئێوارە لە ناحیەی سکتان/گوندی کاموسەك لەکاتی کێڵانی زەوی کشتوکاڵی و لەدەستدانی کۆنترۆڵ بووەهۆی گیانلەدەستدانی شۆفێرەکەی.
هەروەها رایگەیاندووە، لە بەیانیی ئەمڕۆدا کاتژمێر 5:30ی بەرەبەیان، لە ڕێگەی سماقوڵی نزیك گوندی ھیزپ شۆفێری ئۆتۆمبێلی جۆری نیسان پیكاپ لەکاتی شۆفێریەکەی خەوی لێدەکەوێت و کۆنتڕۆڵ لە دەستدەدات و وەردەگەڕێت بەھۆیەوە شۆفێریەکەی بریندار دەبێت.
