بەڕێوبەرایەتی کەشناسی و بومەلەرزەزانی هەرێم ئاشکرایدەکات، تا کۆتای ئەم هەفتە شەپۆلێکی بارانبارین و بەفر ڕوو لە هەرێمی کوردستان دەکات و بەفر لە هەندێک لە شارەکانی هەرێمیش دەبارێت.
کەشناسی هەرێم لە ڕاگەیەندراوێکدا دەڵێت، “لە بەیانی ڕۆژی چوارشەممەوە هەرێمی کوردستان دەکەوێتە ژێر کاریگەری نزمە پاڵەپەستۆی دەریای سپی و باران لە زۆرینەی شوێنەکان دەبارێت.
بەپێی پێشبینی کەشناسی، پلەکانی گەرما ڕۆژی پێنجشەممە نزم دەبێتەوە بە ئاستێک لە هەندێک شوێن بۆ خوار سفر نزم دەبێتەوە و لە زۆرینەی شوێنەکانی هەرێم بەفر دەبارێت.
کەشناسی هەرێم پێشبینی دەکات تا ڕۆژی شەممەی داهاتوو کاریگەری پاڵەپەستۆکە لە ئاسمانی هەرێم کەم دەبێتەوە و کەشوهەوا جێگیر دەبێتەوە.
