سەرۆكایەتیی شارەوانیی سلێمانی رایدەگەیەنێت، هەڵمەتێكیان بۆ لابردنی زیادەڕۆییەكانی فولكەی شاری سپی ئەنجامدا كە شەقام و شۆستەكەیان بۆ بەرژەوەندیی خۆیان و مافی هاوڵاتییانيان پێشێلكردبوو.
بەپێی راگەیەندراوێكی سەرۆكایەتیی شارەوانیی كە وێنەیەكی دەست تۆڕی میدیایی ئێستا كەوتووە و تێیدا هاتووە، بەشی لابردنی سەرپێچی و زیادەڕۆیی شارەوانیی سلێمانی لە رۆژانی پشوودا بەردەوامن لە كارەكانیان بە مەبەستی پاراستنی موڵكی گشتی و رێگریكردن لە زیادەڕۆیی بۆسەر موڵكی گشتی.
لە راگەیەندراوەكەدا هاتووە، تیمەكانمان ئەمڕۆ، هەڵمەتێكیان بۆ لابردنی زیادەڕۆییەكانی فولكەی شاری سپی ئەنجامدا كە فرۆشیاران شەقام وشۆستەكانیان داگیركردبوو بۆ بەرژەوەندیی خۆیان و مافی هاوڵاتییانیان پێشێلكردبوو.
