سێ “تیرۆریست” كە برای یەكترن دەستگیركران و حكومەت دەڵێت، لە “تیمی مەرگ” كاریانكردووە.
دوای دەستگیركردنی ئەو سێ تۆمەتبارەی تیرۆر، شانەی راگەیاندنی ئەمنیی عێراق بڵاویكردەوە، ئاژانسی هەواڵگری و لێكۆڵینەوەی فیدراڵی لە دوو ئۆپەراسیۆندا “سێ برا تیرۆریستەكە”ی دەستگیركردووە و لە لێكۆڵینەوەی سەرەتاییدا دانیان بە تاوانەكانیاندا ناوە.
بەپێی راگەیەندراوی شانەی راگەیاندنی ئەمنی، ئەو سێ تۆمەتبارە لە بەغداد دەستگیركراون و بەشداریی چەندین كردەوەی تیرۆریستییانەیان كردووە دژی هاوڵاتییان و هێزە ئەمنییەكان، لەوانە ئەندامبوونیان لە تیمی مەرگ و هێزی پشتیوانیی رێكخراوە تیرۆریستییەكان.
