دەستەی کەشناسیی عێراق رایگەیاند، شەپۆلێکی بارانبارین لە ئێوارەی هەینیەوە دەستپێدەکات و تاوەکو رۆژی یەکشەممە بەردەوامدەبێت.
دەستەکە ئاماژەی بەوەکردووە، کەشوهەوا بە جێگیری دەمێنێتەوە لە ئەمڕۆدا بەگوێرەی ئەو وێنانەی لە مانگە دەستکردەکانەوە وەرگیراوە.
باسی لەوەشکردووە، ئێوارەی هەینی بارانبارین دەستپێدەکات و لە کاتژمێرەکانی رۆژی یەکشەممەدا کاریگەریی شەپۆلەکە کۆتایی دێت، پێشبینیش دەکرێت رێژەی بارانبارین لەناوچەکانی هەرێمی کوردستان و ناوەڕاستی عێراق زیاتر بێت.
