لە کامپی چەمشکۆی ئیدارەی زاخۆ دوای نیوەڕۆی ئەمڕۆ ئاگر کەوتووەتەوە و منداڵێک برینداربووە.
بەڕێوەبەرایەتیی بەرگریی شارستانیی زاخۆ رایگەیاند، بەهۆی شۆرتی کارەباوە ئاگر لە کامپی چەمشکۆ کەوتەوە و دوو لە خێمەی ئاوارەکان سووتان و منداڵێکیش برینداربوو.
ئاماژەی بەوەشکردووە، ئێستا ئاگرەکە کۆنترۆڵکراوە و ئەو منداڵەی برینداربووە رەوانەی نەخۆشخانە کراوە.
ئەمە لەکاتێکدایە شەوی رابردوو ئاگر لە کامپی ئاوارەکانی ناحیەی بەحرکەی سنوری پارێزگای هەولێر کەوتەوە و مێردمنداڵێکی تەمەن 17 ساڵیش گیانیلەدەستدا.
