سەدان ئاوارە، كامپەكانی هەولێریان بەجێهێشتووە و گەڕاونەتەوە بۆ زێدی خۆیان.
ئیڤان فائق وەزیری كۆچ و كۆچبەرانی عێراق رایگەیاند، زیاتر لە 280 ئاوارە لە كامپەكانی هەولێرەوە گەڕاونەتەوە بۆ شار و ناوچەكانی خۆیان و حكومەت پلانی گەڕاندنەوەی ئاوارەی زیاتری هەیە.
ئەمڕۆ پێنجشەممە ئیڤان فائق وەزیری كۆچ و كۆچبەرانی عێراق وتی، ئەو ئاوارانەی گەڕاونەتەوە شوێن و زێدی خۆیان، ژمارەیان 286 كەسە و لە كامپەكانی خازر و حەسەن شام لە هەولێر بوون.
ئەو ئاوارانە لە سەردەمی شەڕی دژ بە داعشەوە لە ناوچەكانی خۆیان هەڵاتوون و روویان لە هەرێمی كوردستان كردووە، بەپێی وتەی وەزیری كۆچ و كۆچبەرانی عێراق، ئاوارەكان خەڵكی ناوەندی شاری موسڵ، گەیارە، تەلەعفەر، بێجی و تكریت بوون و بە هاوكاریی حكومەت گەڕاونەتەوە بۆ شار و ناوچەكانی خۆیان.
