بەڕێوبەرایەتیی پۆلیسی هەولێر، ئەمڕۆ سێشەممە 9ی ئازار ڕایگەیاند کە دوو کەسیان دەستگیرکردووە هاوسەرن و کاریان قۆڵبڕین و هەڵخەڵەتاندنی خەڵک بووە.
لە ڕاگەیەندراوێکدا بەڕێوبەرایەتیی پۆلیسی هەولێر ڕایگەیاند، “بەشی ڕۆژهەڵاتی بنکەی پۆلیسی ڕاپەڕین دوو کەسیان دەستگیرکرد کە هاوسەر بوون و کاریان هەڵخەڵەتاندنی خەڵک و وەرگرتنی پارە بووە لێیان”.
بەپێی ڕاگەیەندراوی پۆلیسی سلێمانی، “ئەو دوو هاوسەرە ناویان (ز.ع.ص) و (ع.م.ف)ەیە و بەپێی ماددە (456) لە یاسای سزادان و فەرمانی دادوەر دەستگیرکراون”.
پۆلیسی هەولێر ڕاشیگەیاند، هەردوو تۆمەتبارەکە ئێستا بەمەبەستی لێکۆڵینەوە ڕاگیراون.
