بەڕێوەبەرایەتیی هاتوچۆی هەولێر شۆفێران ئاگاداردەکاتەوە لە داخستنی شەقامێکی سەرەکی و داوایان لێدەکات لە ماوەی داخرانیدا شەقامە لاوەکییەکان بەکاربهێنن.
فازڵ حاجی وتەبێژی هاتوچۆی هەولێر رایگەیاند، “سەرجەم هاوڵاتییان و شوفێران ئاگاداردەکەینەوە کە لە رۆژی 2922/12/10 شەقامی دار و ئاسن (حدید وخشب)، لە چوارڕیانی کوێستان تاوەکو مزگەوتی شەهید(صباح) بۆماوەی چەند ڕۆژێک دادەخرێت”.
ئاماژەی بەوەشکردووە، داخستنی ئەو شەقامە بەمەبەستی قەشتکردن و دووبارە قیرکردنەوەی شەقامەکەیە لەلایەن شارەوانیی هەولێرەوە.
داواش لە شۆفێران دەکات لەو ماوەیەدا شەقامە لاوەکییەکان بەکاربێنن کە هاوتەریبن لەگەڵ شەقامە سەرەکیەکە، یان شەقامی (شۆڕش) بەکاربهێنن.
