پۆلیسی دارستان و ژینگەی سلێمانی دەڵێت، تۆمەتبارێكی لێدانی بیر-یان دەستگیرکردووە.
لە راگەیەندراوێكدا كە ئەمڕۆ پێنجشەممە بڵاویكردەوە، بەڕێوەبەرایەتیی پۆلیسی دارستان و ژینگەی پارێزگای سلێمانی رایگەیاند، مەفرەزەكانی بنکەی پۆلیسی دارستانی بازیان، لە سنووری گوندی (هاڵەی سەرچاوە) دەستیانگرتووە بەسەر ئامێرێکی بیرهەڵکەندن لە جۆری بەرینەدا، بەڵام پێش گەیشتنی هێزەكە تۆمەتبارەکە هەڵاتبوو.
بەپێی راگەیەندراوەكە، لە چالاکییەکی تری هەمان بنکەدا لە سنووری شارۆچکەی (تەیناڵ) هاوڵاتییەك بە تۆمەتی لێدانی بیر دەستگیرکراوە و دەستگیراوە بەسەر ئامێرێکی بیرهەڵکەندنی کارەباییدا، پەڕاوی لێکۆڵینەوەش رێکخراوە و رادەستی دادوەر کراوە بۆ گرتنەبەری رێکاری یاسایی.
