فێرناندۆ سانتۆسی ڕاهێنەری پۆرتوگال دووپاتیدەکاتەوە، کریستیانۆ ڕۆناڵدۆ دوای بڕیاری دوورخستنەوەی لە پێکهاتەی سەرەکی بەرامبەر سویسرا، نیشانی دا کە پیشەگەرە و پێشەنگێکی ڕاستەقینەیە.
شەوی ڕابردوو لە یاریی نێوان پۆرتوگال و سویسرا، فێرناندۆ سانتۆس بڕیاریدا کریستیانۆ بخاتە سەر کورسی یەدەگ و گۆنسالۆ ڕامۆسی لە پێگەکەی بەکارخست، ئەم بڕیارەش جیهانی بەخۆیەوە سەرقاڵکرد.
ڕاهێنەری پۆرتوگال لە وەڵامی ڕەخنەگران و ئەوانەی دژی کریستیانۆ بابەتیان بڵاوکردووەتەوە، بە ڕۆژنامەنووسانی ڕاگەیاند، “کریستیانۆ ڕۆناڵدۆ لەسەر کورسی یەدەگ نیشانی دا کە یاریزانێکی پیشەگەر و پێشەنگە، یارمەتی هەمووان دەدات.”
هەروەها دەڵێت، “کریستیانۆ هیچ کێشەیەکی دروست نەکرد، پێش یارییەکە قسەمانکرد و جەختی لەوە کردەوە کە هیچ کێشەیەکی لەگەڵ بڕیارەکەدا نییە، ئەو نموونەی باڵای یاریزانێکی پیشەگەرە لە بواری تۆپی پێدا.”
