بە بردنەوەی ئەرجەنتین لە جامی جیهانیی قەتەر و بەدەستهێنانی ناسناوی پاڵەوانی مۆندیال، لیۆنێل مێسی بوو بە نۆیەم یاریزان لە مێژووی تۆپی پێدا كە مۆندیال، چامپیۆنزلیگ و باڵۆن دۆر بەدەستبهێنێت.
پێش مێسی، تەنها هەشت یاریزان ئەو دەستكەوتەیان هەبووە، ئەوانیش بریتین لە بۆبی چارلتۆن، فرانز پیكنپاوەر، گرید مۆلەر، پاولۆ رۆسی، زینەدین زێدان، ریڤاڵدۆ، رۆناڵدینیۆ و ریكاردۆ كاكا.
جگە لە مێسی، كەریم بنزیمە هێرشبەری یانەی ریاڵ مەدریدی ئیسپانی چانسی بەدەستهێنانی ئەو ناسناوەی هەبوو ئەگەر وەك یاریزانی هەڵبژاردەی فەرەنسا بەشداریی مۆندیالی قەتەری بكردبایە و ناسناوەكەیان بەدەستبهێنایە.
