ئه‌مشه‌و دووشه‌ممه، گه‌ڕی یه‌که‌می قۆناغی کۆمه‌ڵه‌کانی جامی جیهانی 2022 له قه‌ته‌ر به‌رده‌وامی هه‌بوو، هه‌ڵبژارده‌ی ئه‌مریکا و وێڵز یه‌کسانبوونیان تۆمارکرد.
هه‌ڵبژارده‌ی ئه‌مریکا له یاریگای (استاد بن عه‌لی) یاریی ده‌ستپێکی مۆندیالی 2022ی به‌رامبه‌ر هه‌ڵبژارده‌ی وێڵز ئه‌نجامدا، یارییه‌که به ئه‌نجامی یه‌کسانبوون (1-1) کۆتاییهات.
گۆڵه‌که‌ی ئه‌مریکا له خوله‌کی 36 له‌لایه‌ن تیمۆسی وییا-وه تۆمارکرا، گۆڵه‌که‌ی وێلز له خوله‌کی 82 به لێدانی سزا له‌لایه‌ن گاریس به‌یله‌وه تۆمارکرا.
به شێوه‌یه‌کی گشتی هه‌ڵبژارده‌ی ئه‌مریکا توانی له تایمی یه‌که‌مدا کۆنتڕۆڵی ورده‌کارییه هونه‌رییه‌کان و یاریگا بکات، به‌ڵام له تایمی دووه‌مدا وێڵز باڵاده‌ست بوو و توانی هاوسه‌نگی وه‌ربگرێته‌وه.
به‌پێی ئه‌نجامه تۆمارکراوه‌که، هه‌ڵبژارده‌ی ئه‌مریکا به کۆکردنه‌وه‌ی خاڵێک چووه پله‌ی دووه‌می گرووپی دووه‌م و وێڵز به هه‌مان ئه‌نجامه‌وه چووه پله‌ی سێیه‌م، هه‌ردوو هه‌ڵبژارده‌که‌ش له کۆمه‌ڵه‌که‌دا ده‌که‌ونه دوای هه‌ڵبژارده‌ی ئینگلته‌را که لووتکه‌ی گرووپه‌که‌ی گرتووه.
