سەرۆکی شارەوانیی سلێمانی لەبارەی شەقامی 100 مەتریی سلێمانی زانیاریی نوێ دەخاتەڕوو.
لەیلا عومەر، سەرۆکی شارەوانیی سلێمانی رایگەیاند، “کارەکانی شەقامی 100 مەتریی سلێمانی بە باشی بەڕێوەدەچن و ئەگەر هەر بەمجۆرە کارەکان بەردەوامبن لە کۆتایی ئەمساڵدا شەقامەکە دەکرێتەوە”.
وتیشی، “کۆمپانیای جێبەجێکاری پرۆژەکە کارەکانی بە باشی ئەنجامدەدات و سولفەکانی دەباتەوە بۆ بانک و بانکیش پارەکان خەرجدەکات”.
رۆژی 11ی تەمموزی 2020 بەردی بناغەی پرۆژەی شەقامی 100 مەتریی سلێمانی دانرا.
پرۆژەی شەقامی 100 مەتریی سلێمانی، سێ ئینتەرچێنجی گەورە و پێنج پردی پەڕینەوە و سێ پردی هاتوچۆ بە درێژایی 32 كلیۆمەتر لەخۆدەگرێت، پانیی تەرخانكراو بۆ شەقامەکە 200 مەترە.
