چاوپێکەوتنی کریستیانۆ ڕۆناڵدۆ لەگەڵ پێرس مۆرگان لێکەوتەی خراپی لەسەر هەڵبژاردەی پۆرتوگال و ئاستی ئەو هەڵبژاردەیە لە مۆندیالی 2022ی قەتەر دەبێت.
بەپێی تۆمارێکی ڤیدیۆیی کە لەلایەن میدیاکانەوە بڵاوکراوەتەوە، لە کاتی کۆبوونەوەی یاریزانانی پۆرتوگال، کریستیانۆ و برونۆ فێرناندێز بەشێوەیەکی ساردوسڕ مامەڵە لەگەڵ یەکتردا دەکەن، تەنانەت کریستیانۆ بە چاوی سەرسوڕمانەوە لە هاونیشتمانەکەی دەڕوانێت.
It's nothing, but the way Cristiano Ronaldo looked at Bruno Fernandes after shaking his hand… LOL!!!pic.twitter.com/GHhXg49z8E
— UF (@UtdFaithfuls) November 14, 2022
هاندەرانی پۆرتوگال پێیانوایە، چاوپێکەوتنەکەی کریستیانۆ و دژایەتیکردنی مانچستەر یونایتد، مشتومڕی لەنێوان یاریزانانی پۆرتوگالدا دروستکردووە و بووەتە هۆی کاڵبوونەوەی پەیوەندیی یاریزانەکە لەگەڵ برونۆ فێرناندێز و ڕەنگە دیێگۆ دالۆتیش بگرێتەوە، بەوپێیەی هەرسێ یاریزانەکە لە مانچستەر یونایتد یاریدەکەن.
کریستیانۆ لە دوایین چاوپێکەوتندا ئاماژەی بەوە کردووە، کە ڕاهێنەر و ئیدارە و چەند یاریزانێکی یونایتد فشاریان لەسەر دروتسکردووە بۆ ئەوەی لە مانچستەر یونایتد بڕوات.
