محەمەد شیاع سودانی سەرۆك وەزیرانی عێراق لە ناكاو سەردانی نەخۆشخانەیەك لە ناوچەی كازمییەی شاری بەغداد دەكات و بە پزیشكەكان دەڵێت، “یەكێك ساغیش بێت لەم نەخۆشخانەیە نەخۆش دەكەوێت”.
یەكێك لە بەرپرسەكانی نەخۆشخانە پێی دەڵێت، “خودا سەركەوتووتان بكات”، محەمەد شیاع سودانی وەڵامی دەداتەوە و دەڵێت، “خودا بۆ ئەم جۆرە خزمەتكردنە سەركەوتوومان ناكات”.
هاوكات لە سەردانەكەیدا سەرۆك وەزیرانی عێراق بڕیاریدا سەرجەم ئەو پزیشكە ئێشكگرانەی لە نەخۆشخانەكە نەبوون بۆ دەرەوەی بەغداد بگوازێتەوە.
