وەزیری دارایی هەرێم رایگەیاند، لە چەند رۆژی داهاتوودا لە پێناو بەدەستهێنانی بەشە بودجەی حکومەتی هەرێمی کوردستان دەچینە بەغدا.
ئاوات شێخ جەناب وەزیری دارایی هەرێم لە میانەی پێشوازیکردن لە شاندێکی کونسوڵخانەی گشتی ویلایەتە یەکگرتوەکانی ئەمەریکا لە هەولێر رایگەیاند، ” ئێمە بە هەموو شێوەیەک پاڵپشتی حکومەتی نوێی عێراق دەبین، بەو هیوایەین لە چێوەی دەستوور و یاسادا بتوانین مافە رەواکانی گەلی کورد بەدەست بهێنین”.
وتیشی، ” ئێمە لە پێناو بەدەستهێنانی بەشە بودجەی حکومەتی هەرێمی کوردستان لە چەند رۆژی داهاتوودا دەچینە بەغداد، هیوادارین سەرەتایەکی باش هەبێت بۆ لێکتێگەیشتنی دانوستانەکان بۆ ئەوەی مافەکانی گەلی کورد بە پارێزراوی بەدیبێت”.
باسی لەوەش کرد،” ئامانجمان گفتوگۆکردنە لەبارەی پڕۆژە یاسای بودجەی 2023 وە، دەبێت بەپێی دەستوور دۆسیەی نەوت و غاز چارەسەربکرێت”.
