ئاهەنگگێڕان بە بۆنەی هاڵۆوینەوە، گیانلەدەستدانی زیاتر لە 120 كەسی لە كۆریای باشوور لێكەوتەوە.
قوربانییەكان لە ئاهەنگەكانی سیئۆلی پایتەخت گیانیان لەدەستداوە و دەسەڵاتداران دەڵێن، مردنەكان بەهۆی پاڵەپەستۆی بەشداربووانی ئاهەنگەكانەوە بوون.
وتەبێژی كارگێڕیی ئاگركوژێنەوەی سیئۆل رایگەیاند، بە لایەنی كەمەوە 120 كەس گیانیان لەدەستداوە و زیاتر لە 100 كەسی تر برینداربوون و ئاشكرایكرد، 140 ئۆتۆمبێلی فریاكەوتنیان ناردووە بۆ گواستنەوەی بریندار و قوربانییەكان.
یون سوك یۆل سەرۆكی كۆریای باشوور داوای لە نەخۆشخانەكانی وڵاتەكەی كردووە بریندارەكان وەربگرن و چارەسەری پێویستیان بۆ ئەنجامبدەن وەك نووسینگەی سەرۆك بە میدیای جیهانیی راگەیاندووە.
