دوای 47 ساڵ لە بەرهەمهێنان، کۆمپانیای فۆرد بڕیاریدا بەرهەمهێنانی ئۆتۆمبێلی ڤیستا لە هاوینی ساڵی داهاتوو رابگرێت.
کۆمپانیای فۆرد بڵاویکردەوە، لە دوای 47 ساڵ لە بەرهەمهێنان، بڕیاریانداوە لە هاوینی ساڵی داهاتووە دروستکردنی ئۆتۆمبێلی جۆری فۆرد ڤیستا رابگرن، کە لە وڵاتی بەریتانیا زۆرترین کڕیاری هەیە.
ئاماژەی بەوەش کردووە، “هەموو هەوڵی کۆمپانیاکەمان دەخەینە گەڕ بۆ دروستکردنی ئۆتۆمبێلی کارەبایی بە شێوەیەک تا گەیشتن بە ساڵی 2035 سەرجەم ئۆتۆمبێلەکانی فۆرد ببنە کارەبایی”.
لە ساڵی 1976 ەوە فۆرد ئۆتۆمبێلی ڤیستای کردووەتە بازاڕەکانی جیهانەوە، تا ئێستا 22 ملیۆن ئۆتۆمبێلی خستووەتە بازاڕەکانی جیهانەوە بە نۆ نەوەی جیاواز.
ساڵی رابردوو فۆرد ڤیستا یەکێک بوو لەو ئۆتۆمبێلانەی زۆرترین فرۆشی لە بەریتانیا هەبووە.
