گرتە ڤیدیۆیەکی ئۆلاڤ شۆڵتز راوێژکاری ئەڵمانیا بڵاوبووەتەوە کە هاوڵاتییەک نارەزایەتی لە گرانی نرخی شاورمە دەردەبڕێت و داوا دەکات نرخەکەی داببەزێنن
ئەمڕۆ چوارشەممە، گرتە ڤیدیۆیەکی ئۆلاڤ شۆڵتر راوێژکاری ئەڵمانیا بڵاوبووەتەوە لە میونخی باشوور، کە بە لای هاوڵاتییەکی وڵاتەکەیدا تێدەپەڕێت و هاوڵاتییەکە پێی دەڵێت،” بە پوتین بڵێ، لە چوار یۆرۆ زیاتر نادەم بە شاورما”، ئەمە لە کاتێکدایە نرخی یەک شاورما لە وڵاتەکە گەیشتووەتە هەشت یۆرۆ.
وەک لە گرتەکەدا دەردەکەوێت شۆڵتز بە پێکەنینەوە هاوڵاتییەکە جێدەهڵێت بێ ئەوەی هیچ ووشەیەک بڵێت.
ئەمە لە کاتێکدایە، بەهۆی شەڕی بەردەوامی ئۆکرانیا و رووسیاوە ئەڵمانیا رووبەڕووی قەیرانێکی قورسی وزە و سووتەمەنی بووەتەوە و بەو هۆیەوە بەتایبەت کەرتی تەندروستی وڵاتەکە زیانی زۆری بەرکەوتووە و پێشبینی دەکرێت ئەمە داخستنی بەشێکی زۆر لە نەخۆشخانەکان بەدوای خۆیدا بهێنێت.
Footage showing German Chancellor Olaf Scholz confronted by a protester, who asked him to bring down doner kebab prices, has gone viral on social media https://t.co/wxrgeZGsUr pic.twitter.com/loVY22sHu7
— ANADOLU AGENCY (@anadoluagency) October 25, 2022
