سەرۆك ئەركانی وەزارەتی پێشمەرگە سەرپەرشتیی كۆبوونەوەیەكی تایبەت بە پێكهێنانی فرقەكانی هێزی پێشمەرگەی كوردستان دەكات و تێیدا ڕایگەیاند، وەزارەتی پێشمەرگە لە گۆڕانكارییەكان و چاودێریكردنی ئەو فەرمان و بڕیارانەی بۆ ڕێكخستەوەی هێزەكانی پێشمەرگە بەردەوامدەبێت.
بەپێی ڕاگەیەندراوێكی وەزارەتی پێشمەرگە كە وێنەیەكی دەست تۆڕی میدیایی ئێستا كەوتووە و تێیدا هاتووە، بە ئامادەبوونی فەریق ڕوكن عیسا عوزێر سەرۆكی ئەركانی وەزارەتی پێشمەرگە و بە ئامادەبوونی نوێنەری هێزەكانی 70 ، 80 و نوێنەری هاوپەیمانان لە عێراق و هەرێمی كوردستان كۆبونەوەیەك بۆ پێكهێنانی دوو فیرقەی سەربازی كرا كە پێشتر بە مەبەستی كۆكردنەوەی هێزەكانی پێشمەرگە كە پێشتر بڕیاری پێكهێنانی درابوو.
ئاماژە بۆ ئەوەش كراوە، وەزارەتی پێشمەرگە بەردەوامدەبێت لە گۆڕانكارییەكان و چاودێریكردنی ئەو فەرمان و بڕیارانەی بۆ ڕێكخستەوەی هێزەكانی پێشمەرگە دەركراون.
