جێگری پارێزگاری سلێمانی رایدەگەیەنێت، بە مەبەستی كەمكردنەوەی ئاستەنگی هاتوچۆ پێشنیازی فراوانكردنی شاڕێی بەردەم پارێزگای سلێمانی ئاڕاستەی سەرۆكایەتیی شارەوانییی سلێمانی كرا و لەبەر گرنگی بابەتەكە بە پڕۆژەیەكی گرنگ پێشنیازكراو خرایە پلانەوە بۆ جێبەجێكردن کە بریتییە لە فراوانكردنی شاڕێی بەردەم پارێزگای سلێمانی و دادگای سلێمانی و سایلۆ كۆنەكەیە کە سایدێك فراواندەكرێت.
جێگری پارێزگاری سلێمانی ئاشكراشیكرد و وتیشی، “لە سبەینێوە دەستدەكرێت بەجێبەجێكردنی پڕۆژەكە، هاوكات پیرۆزبایی لە هاوڵاتییانی سلێمانی دەكات و دەستخۆشی لە سەرۆكایەتیی شارەوانیی سلێمانی و لایەنە پەیوەندیدارەكان دەكات لە پەرۆشییان بۆ خزمەتکردنی هاوڵاتییان و كەمبوونەوەی ئاستەنگی هاتوچۆی شەقامەكانی شاری سلێمانی و بەڵێنیشیدا بەردەوامبێت لە پشتیوانیكردنی ئەم جۆرە پڕۆژانە لەپێناو خزمەتكردنی سلێمانی”.
