ئەنچیلۆتی دەڵێت پێویستە لە کلاسیکۆدا باش بەرگریی بکەین و باشیش هێرش ببەین.
وتیشی یاریزانەکان دەزانن کە بەرامبەر چ یانەیەک یاریی دەکەن.
جەختیشی کردەوە لەوەى کە کۆرتوا بەهۆی پێکانەوە ناتوانێت یاریی بکات.
بەشێک لە قسەکانی ئەنچیلۆتی
/ هەر وەک یارییەکانی ڕابردوو ئامادەکاری دەکەین, وەک هەموو کلاسیکۆکانی تر یارییەکی دەگمەنە، پێویستە ئاگامان لە هەموو لایەنەکان بێت.
/ کۆرتوا بەشداری کلاسیکۆ ناکات
/ ڕۆدیگێر پێویستی بە ماسک هەیە و ئامادەیە بۆ یاریکردن
/ ڕۆدریگۆ پێشوو لەسەر کورسی یەدەگ بوو بەڵام ئێستا یاریزانێکی گرنگ و بەتواناى ئێمەیە.
/ پێویستە هەردوو تایمەکە بە هەمان ڕیتم یاریی بکەین, لایەنی جەستەیی دەکرێت یەکێک بێت لە لایەنە گرنگەکانی بردنەوەى یارییەکە.
/ بەرامبەر تیپێک یاریی دەکەین کە لە ئاستێکی نمونەیدایە, پێویستە بە شێوەیەکی باش بەرگریی بکەین و بەشێوەیەکی باشیش هێرش ببەین، تەنها بەم ڕێگەیە براوە دەبین.
/ بەرشلۆنە هەموو یارییەکانی بردۆتەوە لە لا لیگا و یەک یاریی یەکسان بووە, لە خولی ئیسپانیا نمونەین.
/ ئەوان دەزانن ڕکابەرەکەیان کێیەو پێویست ناکات هیچ ڤیدیۆیەک دانێم بۆ ئەوەى ورەیان بەرز بکەمەوە.
/ نازانم ئەنجامی یارییەکەى چوار شەممە چۆن کاریگەری لەسەر بەرشلۆنە دروست دەکات بەڵام گرنگە ئێمە بیبەینەوە
/ بنزیمە باش بوە ئەم هەفتەیە و دڵنیام کە وەک ڕابردوو ئاستە بەرزەکەى دەبینینەوە
/ مێژوی بەرشلۆنە ڕوونەو ئەو شێوازە بەکاردەهێنن کەپێی ناسراون, ئەوان سەرکەوتوو بون و ئێستاش هەر وان.
