ئەندامێكی لیژنەی دارایی لە ئەنجومەنی نوێنەرانی عێراق ڕایدەگەیەنێت، “ئەو ڕێگرییانەی لەبەردەم ناردنی پارەی گەنمی جوتیارانی هەرێم لە چەند ساڵی ڕابردوودا هەبووە و چارەسەرمان كردووە و تەنها ڕەزامەندیی ئەمێندارێتیی ئەنجومەنی وەزیرانی عێراق ماوە”.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای ڕاگەیاند، ئەو ڕێگرییە یاسایی و كارگێرییانەی لە نێوان وەزارەتەكانی بازرگانی و دارایی عێراقدا هەبوون و بووەتە هۆی دواكەوتنی پارەی گەنمی جوتیارانی هەرێم بۆ ساڵەكانی 2014-2015- 2016 لە ئاسایشی خۆراكدا چارەسەركراوە.
ئاماژەی بۆ ئەوەش كرد، تەنها ڕەزامەندیی ئەمێندارێتیی ئەنجومەنی وەزیران ماوە و لە چەند ڕۆژی داهاتوودا ڕێكارەكان تەواودەبن.
