بەپێی ئامارێک کە پارێزگاری سلێمانی بڵاویکردووەتەوە و ئەنجامی لێکۆڵینەوەیەکە لە کەرتی پەروەردە لە لە 30 ساڵی ڕابردوودا، دەردەکەوێت هەر 11 خوێندکار مامۆستایەکیان بەردەکەوێت.
بەپێی ئامارەکە، لە سلێمانی ڕێژەی ئەو منداڵانەی لە تەمەنی شەش ساڵیدا دەخرێتەبەر خوێندن %100ە و توانای خوێندن و نووسین بۆ تەمەن (15-24) ساڵ (99٪)یە.
ئامارەکە ڕێژەی ئاستی خوێندن لە پارێزگاکە نیشاندەدات و ئاشكرایکردووە:
– توانای خوێندنەوە و نووسین بۆ تەمەن (10) ساڵ و زیاتر (77٪)ە.
– ڕێژەی خوێندكار بۆ هەر خوێندنگەیەک بریتییە لە (216) خوێندكار.
– ڕێژەی خوێندكار بۆ هەر مامۆستایەک (11) خوێندكارە.
– ڕێژەی خوێندكار بۆ هەر پۆلێک (19) خوێندكارە.
– ڕێژەی خاوەن بڕوانامەی سەرەتایی %28ـە.
– بڕوانامەی ناوەندی 18٪
– بڕوانامەی ئامادەیی 12 ٪
– لە سلێمانیدا بەگشتی ئەوانەی بڕوانامەی پاش ئامادەییان هەیە ڕێژەی (7,5٪)ی هاووڵاتیان پێکدەهێنن.
هەر بەپێی ئامارەکە تێکڕای ساڵانی بەردەوامبوون لەسەر خوێندن (13) ساڵ و کۆی ساڵانی خوێندن (14) ساڵن، کە بەرزترینن لەسەر ئاستی عێراق.
