وەزارەتی ڕۆشنبیری و لاوانی حکومەتی هەرێمی کوردستان ڕایگەیاند، لێکۆڵینەوە و بەدواداچوون بۆ سەرچاوەی دارایی میدیاکان دەکەن، هەرەوەها ڕێبەری میدیایی بۆ بەرزکردنەوەی ئاستی کاری میدیایی دادەنێن.
لە ڕاگەیەندراوێکدا وەزارەتی ڕۆشنبیری و لاوان بڵاویکردەوە، وەزارەتەکەیان کۆبوونەوەی لەگەڵ له جوتیار عادل سه‌رۆكی فه‌رمانگه‌ی میدیا و زانیاری، نوێنه‌ری تایبه‌تی نووسینگه‌ی جێگری سه‌رۆك وه‌زیران، نوێنه‌ری وه‌زاره‌ته‌كانی ناوخۆ، گواستنه‌وه و گه‌یاندن، دارایی و ئابووری و هه‌روه‌ها نوێنه‌ری ده‌سته‌ی گشتیی مافی مرۆڤ ئەنجامدا بەمەبەستی جێبەجێکردنی بڕیاری حکومەت بۆ پرسە ڕۆشنبیری و میدیاییەکان.
لە کۆبوونەوەکەدا بڕیاردرا بە هەماهەنگی لەگەڵ فەرمانگەی میدیا و زانیاری بەدواداچوون بۆ سەرچاوەی دارایی میدیاکان لە هەرێمی کوردستان بکرێت.
هەروەها بڕیاردرا، بەپێی پێوەرە یاساییەکان بەدواداچوون و ڕێکخستنەوە بۆ کاری میدیایی بکرێت، دروستکردنی ڕێبەری میدیایی و ڕێکخستنەوەی ڕێکلامی بازرگانیش یەکێکی دیکە بوو لەو پرسانەی باسیان لێوەکرا.
