ڕووداوێكی تری هاتوچۆ و پێنج بریندار

پێنج هاوڵاتی برینداربوون و هۆكارەكەی ڕووداوێكی هاتوچۆیە لە سنووری پێنجوێن.

به‌ڕێوه‌به‌رایه‌تیى هاتوچۆى پێنجوێن له‌ ڕاگه‌یه‌ندراوێكدا ئاشكرایكرد، “نیوه‌ڕۆى ئه‌مڕۆ ڕووداوێكى هاتوچۆ له‌سه‌ر ڕێگاى ناحیه‌ى گه‌رمك و گوندى کێلو ڕوویدا و بەهۆیەوە پێنج كەس برینداربوون”.

بەپێی ڕاگەیەندراوەكەی به‌ڕێوه‌به‌رایه‌تیى هاتوچۆى پێنجوێن، ڕووداوەكە لە نێوان ئۆتۆمبێلێكى بارهه‌ڵگر و ئۆتۆمبێلێكى جۆرى نیسان سه‌نى-دا ڕوویداوه‌ و جگە لە برینداربوونی پێنج سەرنشین، زیانى ماددیى زۆر به‌ر ئۆتۆمبێله‌كان كه‌وتووه‌.

لە ماوەی شەو و ڕۆژێكدا چەندین ڕووداوی هاتوچۆ لە هەرێمی كوردستان ڕوویانداوە، سێ لە ڕووداوەكان برینداریان لێكەوتووەتەوە.