سەرۆكی هاوپەیمانیی نیشتمانی رایدەگەیەنێت، “كۆبوونەوەی لوتكەی لایەنە سیاسییەكان لەسەر بانگێشت و پێشنیازی بافڵ جەلال تاڵەبانی كارێكی زۆر باشە و دەستخۆشی لێدەكەم و هیواخوازم سەرجەم لایەنە سیاسییەكان بۆ كۆبوونەوەی داهاتوو بەشداربن”.
ئارام قادر سەرۆكی هاوپەیمانیی نیشتمانی لە لێدوانێكدا بە تۆڕی میدیایی ئێستای راگەیاند، “كۆبوونەوەی لوتكەی لایەنە سیاسییەكان گرنگ بووە و هیواخوازین سەرجەم لایەنەكان بۆ كۆبوونەوەی داهاتوو بەشداربن و هەرێمی كوردستان لەم قۆناغە لەبەردەم چەندین هەڕەشە و مەترسیدایە ئەگەر كۆدەنگبین دەتوانین ڕووبەڕووی ئەو مەترسییانە ببینەوە”.
سەرۆكی هاوپەیمانیی نیشتمانیی ئاماژەی بۆ ئەوەش كرد، كۆبوونەوەی لوتكەی لایەنە سیاسییەكان لەسەر بانگێشت و پێشنیازی بافڵ جەلال تاڵەبانی سەرۆكی یەكێتیی نیشتمانیی كوردستان كارێكی زۆرباشە و دەستخۆشی لێدەكەین و هیواخوازین بۆ كۆبوونەوەی داهاتوو سەرجەم لایەنە سیاسییەكانی هەرێمی كوردستان بەشداربن كە گرنگ بەردەوامیدانە بە كۆبوونەوە و كاركردن لەسەر دەرئەنجامی كۆبوونەوەكە.
ئاشكراشیكرد، “بڕیارە لە دوو هەفتەی داهاتوودا جارێكی دیكە كۆبوونەوەی لوتكەی لایەنە سیاسییەكان ئەنجامبدرێت”.
