قائیمقامیەتی سلێمانی ڕایگەیاند، بەهۆی پابەندنەبوون بە ڕێنماییەکانی هەڵگرتن و کۆگاکردنەوە بازاڕێکی تایبەت بە فرۆشتنی بەکۆی بەهاراتی داخست.
لە ڕاگەیەندراوێکدا قائیمقامیەتی سلێمانی ئاشکرایکرد، بەهۆی پابەندنەبوون بە مەرجەکانی کۆگاکردن و شێوازی هەڵگرتنەوە، لیژنەکانیان بازاڕێکی تایبەت بە فرۆشتنی بەکۆ (جوملە)ی بەهارات و چا و تامی شەربەتی داخست.
لە ڕاگەیەندراوەکەدا هاتووە، لە بەدواداچوونەکانی لیژنەکانی قائیمقامیەتدا دەرکەوتووە، “کۆگاکانی ناو بازاڕی تایبەت بە بەهارات و جۆرەکانی داودەرمان و تامی خواردن لە سەڕاجەکان (ژێرپردەکە) پابەندی مەرج و ڕێنماییەکان نەبوون”.
ئاماژە بەوەشکراوە، ئەو ماددانەی دەستبەسەردا گیراوە سەرەڕای ئەوەی بڕێک خواردنی ماوەبەسەرچووی تێدابووە، لە ڕووی تەندروستییەوە زۆر خراپ هەڵگیراون و پاشماوەی مشکی تێدا بووە.
قائیمامیەت ڕایگەیاندووە، بازاڕەکە دادەخرێت و ڕێکاری یاساییش لەگەڵ خاوەنەکەیدا دەگیرێتەبەر.
