شۆفێرێكی تازەلاو لەلایەن هێزەكانی پۆلیسی هەولێرەوە بەتۆمەتی خۆكێشان بە دوو هاوڵاتیدا و دواتریش هەڵهاتن لە شوێنی ڕووداوەكە دەستگیركرا
بەڕێوەبەرایەتیی پۆلیسی پارێزگای هەولێر بڵاویكردەوە، كاتژمێر 09:50 خولەكی شەوی ڕابردوو هێزەكانی پۆلیسی فریاكەوتن ئاگاداركرانەوە كە لە شەقامی 40 مەتری ئۆتۆمبیلێكی جۆری (تویۆتا کامری/ ڕەنگی سپی) لە دوو هاوڵاتی داوە و پاشان شوفێرەکە هەڵاتووە.
ڕوونیكردەوە، پاش گەیشتنی هێزەكانیان، توانرا لە نزیک کۆنسوڵخانەی تورکیا دەست بەسەر ئۆتۆمبێلەکەدا بگرن و شوفێرەکەشی دەستگیربکەن، کە تازەلاوێكی (16 ساڵان)ە بەناوی (م.ب.ف.).
تۆمەتبارەکە و ئۆتۆمبێلەکە لەلایەن هێزەكەوە بە مەبەستی گرتنەبەری ڕێکارە یاساییەکان، ڕادەستی بنکەی پۆلیسی عەنکاوە کران.
